Qazaqstanda qonaq úı júıesine reforma júrgiziledi
ASTANA. KAZINFORM – Elimizdegi qonaq úılerdiń deni zamanaýı ári halyqaralyq standarttarǵa sáıkes kelmeıdi. Bul týraly Týrızm jáne sport mınıstri Erbol Myrzabosynov málim etti.
- Qonaq úı servısiniń sapasyn arttyrý úshin qonaq úılerdi jikteý júıesin reformalaý josparlanyp otyr. Qoldanystaǵy qonaq úı krıterııleri 2008 jyldan beri ózgertilmegen, - dedi Erbol Myrzabosynov Úkimet otyrysynda.
Mınıstrdiń málimdeýinshe, elimizdegi qonaq úılerdiń deni zamanaýı ári halyqaralyq standarttarǵa sáıkes kelmeıdi.
- Týrısterdiń saparyn jeńildetip, jaıly etý maqsatynda shekaralyq ótkizý pýnktterinde uıymdastyrylǵan týrıstik toptarǵa basymdyq berý, jasyl dáliz tetigin engizý kózdelip otyr. Qazir atalǵan mehanızm Reseı men Qyrǵyzstan shekarasynda pılottyq rejımde jumys istep tur, - deıdi ol.
Eske sala ketsek, ótken jyly Úkimet basshysy Oljas Bektenov elimizdegi qonaq úılerdiń baǵa saıasatyna shaǵym kóp ekenin aıtqan edi.
Buǵan deıin elimizde sharýalarǵa agrotýrızmmen aınalysýǵa ruqsat berý máselesi qaralyp jatqanyn habarlaǵan edik.