Qazaqstanda konkı tebýshilerdiń kásibı klýby qurylýy múmkin
ASTANA. QazAqparat - Búgin QR Mádenıet jáne sport mınıstrliginde ótken keńeste vedomstvo basshysy Arystanbek Muhamedıuly konkı tebýshilerdiń kásibı klýbyn ashý qajettigi týraly másele kóterdi.
Eske salaıyq, oblystyq dene shynyqtyrý jáne sport basqarmalary men Qazaqstandaǵy sport federatsııalary ókilderiniń basyn qosqan keńeske QR Vıtse-Premeri Berdibek Saparbaev qatysqan bolatyn.
Mınıstrdiń sózine qaraǵanda, búgingi kúni qoǵam aldyndaǵy asa ózekti ári áleýmettik mindetterdiń biri qysqy sport túrlerin damytý bolyp tabylady. Toqtala ketetin jaıt, qazirgi tańda elimizde qysqy sporttyń 15 túri boıynsha 8 federatsııa men 2 qaýymdastyq qyzmet etip keledi.
«Búgingi kúni konkı tebýshilerdiń klýbyn qurý máselesi ózekti bolyp otyr. Al mundaı ilki jobalardy júzege asyrý keleshekte qysqy olımpıada oıyndaryna qazaqstandyq sportshylardyń daıyndyq sapasyn arttyrady. Álbette, «Samuryq-Qazyna» qorynyń qoldaýynsyz bul jobalardy júzege asyrý múmkin emes», - dedi mınıstr.
Onyń aıtýynsha, uzaq ýaqyt boıy bul máseleni sheshý tıisti deńgeıde atqarylǵan joq. «Tipti ulttyq ál-aýqat qorynyń qoldaýynsyz buny jolǵa qoıý qıyn», - dedi A. Muhamedıuly.
