Qazaqstanda kompozıtsııalyq materıaldardan jasalǵan super mid-size synybyna jatatyn alǵashqy ushaq - Hawker 4000 bıznes-djetiniń tusaýkeser rásimi ótti
/strong>Sáýirdiń 14-i. QazAqparat / Ádilet Musahaev / - Búgin Almaty Halyqaralyq áýejaıynda bıznes-djet óndirisi salasyndaǵy dúnıejúzilik kóshbasshy Nawker Beechcraft Corporation kompanııasy Qazaqstanda óziniń biregeı ázirlemesi - Hawker 4000 ushaǵyn tanystyrdy,
dep habarlaıdy QazAqparat.
10 jyl boıǵy eren eńbektiń nátıjesinde Hawker Beechcraft kompanııasy Hawker 4000-diń múldem jańa úlgisin jasap shyǵarǵan. Bul kompozıtsııalyq materıaldardan jasalǵan super mid-size synybyna jatatyn alǵashqy ushaq. Álemge tanymal Robb Report jýrnaly bul bıznes-djetti «2010 jyldyń ushaǵy» dep atap ótken edi. Hawker 4000 qaýipsizdiktiń úsh eselengen júıesimen jaraqtandyrylǵan jáne 9 orynǵa eseptelgen. Qazaqstanda usynylǵan jańa ushaqtyń quny 20 mıllıon AQSh dollary shamasynda.
Búgingi kúnge qaraǵanda Hawker 4000-diń 40-tan asa ushaǵy shyǵarylǵan. Onyń álemdik premerasy AQSh-ta 2008 jyly ótken bolatyn. Sodan beri álemniń tanymal tulǵalary, AQSh pen Eýropanyń bıznes avıa-tasymaldaýshylary men memlekettik organdary osy ushaqtyń ıegerleri bola bastaǵan.
Qazirgi kezeńde Reseı osyndaı bir ushaqty paıdalanyp otyr. Óndirýshiler Qazaqstannan Hawker 4000 satyp alýǵa aldyn-ala birneshe ótinish alyp úlgergen.
Sonymen qatar Hawker 4000 ushaǵymen qosa jurtshylyqqa Hawker 900 XP ushaǵy da tanystyryldy. Hawker 900 XP-búkil álemde eleýli suranysqa ıe mid-size jet synybyndaǵy korporatıvti reaktıvti ushaqtardyń sońǵy ázirlemesi.
