Qazaqstanda kompıýter jáne optıkalyq qurylǵylar óndirisi 23 paıyzǵa tómendedi
NUR-SULTAN. QazAqparat – Qazaqstanda kompıýterlerdiń, elektrondy jáne optıkalyq ónimderdiń óndirisi 23,3 paıyzǵa kemigen, dep habarlaıdy QazAqparat tilshisi energyprom.kz aqparat kózine silteme jasaı otyryp.
Jalpy elde elektrondy ónerkásip salasyn yntalandyryp, aldaǵy 3 jylda onyń kólemin 8,5 ese arttyrý josparda bar. Áıtse de, 2020 jyldyń qańtar-tamyz aılarynda kompıýterlerdiń, elektrondy jáne optıkalyq ónimderdiń óndirisi 13,2 mlrd teńgege jetip, ótken jyldyń uqsas kezeńimen salystyrǵanda 23,3 paıyz tómendegen. Ónerkásiptik óndiris ındeksi 77,6 paıyzdy ǵana quraǵan.
Málimetterdi salystyrsaq, 2019 jyldyń qańtar-tamyz aılarynda sektordaǵy óndiris kólemi 38,5 mlrd teńgege jetip, onyń aldyndaǵy uqsas kezeńnen qaraǵanda 13,4 paıyzdyq ósimge jetken edi.
«Jalpy bul saladaǵy búkil óndiristiń tórtten úsh bóligi úsh aımaqqa tıesili: Almaty (7 mlrd tg), Nur-Sultan (1,4 mlrd tg) jáne Soltústik Qazaqstan oblysy (1,2 mlrd tg). Sektorda «LG Electronics Almaty» AQ (elektrondy detaldar óndiris), «Logıkom» AQ (kompıýterler men ı perıferııalyq qurylǵylar óndiris), «Saıman korporatsııasy» JShS (elektr toǵyn esepteýdiń elektrondy qurylǵysy), «Orıon-sıstema» JShS (symsyz málimet taratýǵa arnalǵan modýlder) sekildi iri kompanııalar jumys isteıdi», - delingen aqparat kózinde.
Degenmen anyqtaýshy tsıfrlyq kólikterdiń óndirisi 1,8 ese ósip, olardyń 7,9 myń danasy óndirilgen. Biraq elektrondy jáne optıkalyq qurylǵy óndirisiniń basqa sektorlary quldyrap tur.
Máselen televızııalyq prıemnıktardyń óndirisi 1,8 ese( 30,6 myń danaǵa deıin), elektr qýatyn esepteýishterdiń óndirisi 31,9 paıyzǵa (144,4 myń dana), fızıkalyq basqa da baqylaý qurylǵylary 5,4 ese, 4,4 myń danaǵa deıin azaıǵan.
