Qazaqstanda kompıýter mamandyqtary boıynsha AQSh-da birinshi ret resmı halyqaralyq akkredıtatsııa alǵan ýnıversıtet paıda boldy
ALMATY. 17 tamyz. QazAqparat /Názıra Eleýhan/ - Álemdegi eń bedeldi amerıkandyq halyqaralyq akkredıtatsııany taǵaıyndaıtyn ABET agenttigi Qazaqstan-Brıtan tehnıkalyq ýnıversıtetiniń barlyq kompıýtershi mamandyqtary akkredıtatsııa alǵanyn resmı qýattady.
Tehnıka jáne tehnologııa salasy boıynsha akkredıtatsııalaý keńesiniń saraptamasy 70 jyldan astam ýaqyttan beri dúnıejúzi boıynsha barlyq jumys berýshiler men ýnıversıtettermen tanylǵan.
Qazirgi ýaqytta ІT naryǵynyń barlyq aldyńǵy qatarly kompanııalary men ýnıversıtetteri qyzmetke halyqaralyq akkredıtatsııadan ótken túlekterdi ǵana qabyldaıdy. Sondyqtan, QBTÝ-nyń barlyq kompıýtershi mamandyqtary endi, sapa standarty talabyna saı bolmaq.
«2009 jyly QBTÝ Ulybrıtanııada ınjenerlik mamandyqtary boıynsha halyqaralyq akkredıtatsııany aldy, ol bizdiń munaı-gaz fakýlteti túlekterine álemge áıgili kompanııalarǵa jumysqa turýǵa úlken septigin tıgizdi. Endi, tamyzdyń 1-nen bizdiń ýnıversıtettiń aqparattyq tehnologııalar fakýlteteniń túlekteri jumysqa ornalasqanda kez kelgen shetel ýnıversıtetiniń bitirýshilerimen teń dárejede bolady, tipti, álemniń qaı elinde bolmasyn oqýdy jalǵastyrǵan kezde teń quqyǵy da bolady»,-dedi QBTÝ-niń rektory Eskendir Beısembetov.
QBTÝ-niń prorektory Zoıa Túıebaqovanyń aıtýynsha, ýnıversıtet akkredıtatsııa protsessin 2009 jyldyń kúzinen ázirleı bastaǵan jáne eki jyldyń ishinde ótkizgen. «Az ýaqyt merziminde ótkizý ABET tájirıbesinde bolmaǵan jetistik, ádette bul úrdis bes jáne odan da kóp jylǵa sozylady. Bul QBTÝ sııaqty jas ýnıversıtetter úshin bolmaǵan jaǵdaı»,-dedi ol.
Onyń aıtýynsha, QBTÝ 2008 jyldan beri baǵdarlamalaý boıynsha Qazaqstannyń jáne Ortalyq Azııanyń absolıýtti chempıony bolyp tabylady.
