Qazaqstanda kommýnaldyq turǵyn úı qorynan baspana alý kezeginde 280 myńnan astam adam tur
ASTANA. QazAqparat - 286 myń 507 qazaqstandyq kommýnaldyq turǵyn úı qorynan baspana alý kezeginde tur. Bul týraly «QazAqparat» HAA resmı saýalyna QR Ulttyq ekonomıka mınıstrliginen habarlady.
Jergilikti atqarý organdarynyń málimetterine qaraǵanda, atalǵan tizimdegi 465 adam - múgedekter men Uly Otan soǵysynyń qatysýshylary, 41 myń 82-si - jetim balalar men ata-anasynyń qamqorlyǵynsyz qalǵan jetkinshekter, 125 myń 70-i - áleýmettik az qamtylǵandar, 117 myń 456-sy - bıýdjettik, memlekettik qyzmettegi, áskerı jáne ǵarysh salalalaryndaǵy adamdar. Sonymen qatar 1 myń 834 adamnyń jalǵyz baspanasy apattyq bolyp tanylǵandyqtan, olar da bul tizimge enip otyr. Turǵyn úıge degen eń úlgen suranys Astanada, ol 31 myń 346 adamdy quraıdy. Odan keıin Qaraǵandy (24 052), Aqtóbe (21 317) jáne Almaty (21 315) oblystary tur.
