Qazaqstanda kommýnaldyq qyzmetterge qaryz somasy 13,8 mlrd teńgege jetti

NUR-SULTAN. QazAqparat – El aýmaǵynda kommýnaldyq qyzmetter úshin qaryz somasy 13,8 mlrd teńgege jetti. Bul týraly Úkimet otyrysynda jylý berý maýsymyna daıyndyq máselesin talqylaý kezinde Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Debıtorlyq bereshekke qatysty toqtalsaq, bıylǵy qyrkúıekte tutynýshylardyń kommýnaldyq qyzmetter úshin bereshegi 13,8 mlrd teńgeni qurady (2021 jyldyń uqsas kezeńinde debıtorlyq bereshek 16,3 mlrd teńge boldy)», - dedi Q. Óskenbaev.

Onyń aıtýynsha, eń qomaqta debıtorlyq bereshek úsh qalada tirkeldi. Atap aıtqanda, Nur-Sultan qalasynda - 2,5 mlrd teńge, Almatyda - 2,5 mlrd teńge, sondaı-aq Shymkentte 1,7 mlrd teńge somasynda bereshek bar.

Budan buryn habarlanǵandaı, Úkimet basshysy 1 qazanǵa deıin jylý elektr ortalyqtaryn otyn qorymen qamtamasyz etýdi tapsyrdy .

Indýstrııa jáne ınfraqurylymdyq damý mınıstrliginiń málimetinshe, elimizde kómirdiń qory qajetti mólsherde jınaqtaldy .