Qazaqstanda kommýnaldyq kompanııalardyń reıtıngi jasalady

NUR-SULTAN. QazAqparat – Páter ıeleri kooperatıvteri men múlik ıeleri birlestikteriniń reıtıngi túziledi. Turǵyndar «E-shańyraq» aqparattyq júıesi arqyly kommýnaldyq kompanııalardyń reıtıngin kórip, ózine yńǵaıly uıymdy tańdaı alady, dep habarlaıdy QazAqparat.

Mundaı jańalyqty «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov ortalyq kommýnıkatsııalar qyzmetinde málim etti.

«Zanyń basty maqsaty – múlik ıeleri birlestigi men jań seriktestikter arqyly páter ıelerin úıge ınvestıtsııalyq portfel sııaqty qarap, kútip ustaýǵa qatystyrý. Páter degen – bir úıdiń múshesi, onyń óz úlesi bar. ıAǵnı úıdi kútip ustaýǵa ár páterdiń ıesi qatysýy qajet. Páter ıeleri kooperatıvteri bul reforma boıynsha servıstik kompanııaǵa aınalady. Osy kompanııa arasynda salystyrmaly resrýrs retinde «E-shańyraq» degen aqparattyq júıe quryp jatyrmyz. Ol jerde ashyq portalda reıtıngter nemese reestrler bolady. Ár eldi mekende servıstik kompanııalar bar, qandaı basqarý kompanııalary bar? Sonyń bárin osy portaldan kórýge bolady», - deıdi aktsıonerlik qoǵam ókili.

Nurbek Serikov atalǵan reıtıng qandaı ólshemder boıynsha túziletinin túsindirdi.

«Osy reestrdegi kompanııalar arasynda reıtıng jasalady. Ótinimderdi oryndaý deńgeıi men qyzmet kórsetý sapasy jaǵynan reıtıng bolady. Bul turǵyda biz Básekelestik qorǵaý jáne damytý agenttigimen birlesip jumys istep jatyrmyz. Qarashada qabyldanýy kútilip otyrǵan ulttyq joba bar. Osy joba ishinde turǵyn úı-kommýnaldyq sharýashylyǵyndaǵy básekelestikti qurý jaǵynan naqty-naqty is sharalar kózdelip otyr», - deıdi «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ ókili.