Qazaqstanda kómirsýtekter men ýran salasynda ulttyq ǵylymı keńes qurý usynyldy
«Jer qoınaýyn paıdalanýshylardyń Ǵylymı-zertteý jáne tájirıbelik-konstrýktorlyq jumystarǵa mindettemeleriniń jyl saıynǵy ortasha somasy shamamen 9 mlrd teńgeni quraıdy», - dedi mınıstr Úkimet otyrysynda.
Energetıka mınıstrligi jer qoınaýyn paıdalanýshylardyń qarajatyn jınaýdy ortalyqtandyrý ári Ǵylymı-zertteý jáne tájirıbelik-konstrýktorlyq jumystarǵa qarjyny ashyq bólý úshin kelesini usynady: kómirsýtekter men ýran salasynda ulttyq ǵylymı keńes qurý; QR Bilim jáne ǵylym mınstrliginiń aqparattyq júıesi negizinde jer qoınaýyn paıdalanýshylardyń Ǵylymı-zertteý jáne tájirıbelik-konstrýktorlyq jumystaryn qarjylandyrýdyń barlyq tsıklin ońtaılandyrý men avtomattandyrý.
Budan buryn habarlanǵandaı, Memleket basshysy Qasym-Jomart Toqaev ǵylymdy qoldaý baǵytynda Úkimetke tapsyrma berdi.
«Tapqan tabystyń 1 paıyzyn ǵylym men tehnologııany damytýǵa berý týraly qoldanystaǵy norma talaptary saqtalmaı otyr. Kóp jaǵdaıda bul qarajat kompanııalardyń ishinde bóliniske túsip ketedi. Úkimetke osy qarajatty jınaqtaý isin ortalyqtandyrýdy jáne ony bıýdjet arqyly jalpy ulttyq ǵylymı basymdyqqa saı bólinýin qamtamasyz etýdi tapsyramyn», - dedi Prezıdent Qazaqstan halqyna jyl saıynǵy dástúrli Joldaýynda.