Qazaqstanda kómirsýtek ken ornyn paıdalanýǵa arnalǵan elektrondy aýktsıon júıesi iske qosyldy

NUR-SULTAN. QazAqparat - Qazaqstanda kómirsýtek boıynsha jer qoınaýyn paıdalaný quqyǵyn berýge arnalǵan elektrondyq aýktsıondar júıesi iske qosyldy, dep habarlaıdy QazAqparat QR Energetıka mınıstrliginiń Telegram paraqshasyna silteme jasap.

«QR Memlekettik múlik tizilimi» saıtyndaǵy elektrondy saýda alańyna kómirsýtek boıynsha jer qoınaýyn paıdalanýdyń 10 ýchaske shyǵaryldy. Aýktsıonǵa qatysýǵa ótinishti qabyldaý qarashaǵa deıin elektrondy nysanda júrgiziletin bolady. Aýktsıonǵa qatysýǵa ótinish berý rásimimen beıne nusqaýlyq arqyly tanysýǵa bolady», delingen habarlamada.
Eske sala ketsek, jer qoınaýyn paıdalaný quqyǵyn berýge arnalǵan elektrondy aýktsıon 23 jeltoqsanda bolady.