Qazaqstanda kómirsýtek ken qoınaýyn paıdalaný quqyǵy elektrondy aýktsıon arqyly beriledi

NUR-SULTAN. QazAqparat - Bul «Jer qoınaýy jáne jer qoınaýyn paıdalaný týraly» kodekske aýktsıondardy elektrondy formatta ótkizýge múmkindik beretin túzetýler engizýge baılanysty múmkin boldy, dep habarlaıdy QazAqparat Energetıka mınıstrliginiń baspasóz qyzmetine silteme jasap.

Energetıka mınıstrligi kómirsýtekter boıynsha jer qoınaýyn paıdalaný quqyǵyn berýdi jaqsartý maqsatynda jumysty qolǵa alǵan.
«QR Energetıka mınıstrligi «Qazaqstan Respýblıkasynyń keıbir zańnamalyq aktilerine jer qoınaýyn paıdalaný, gaz jáne gazben jabdyqtaý máseleleri boıynsha ózgerister men tolyqtyrýlar engizý týraly» 2019 jylǵy 30 jeltoqsandaǵy Qazaqstan Respýblıkasynyń Zańyn iske asyrý maqsatynda birqatar quqyqtyq aktiler qabyldady, onyń ishinde,
«Kómirsýtekter boıynsha jer qoınaýyn paıdalaný quqyǵyn berýge arnalǵan elektrondyq aýktsıondar operatorynyń ınternet resýrsyn paıdalana otyryp, elektrondyq nysanda aýktsıon ótkizý qaǵıdalaryn bekitý týraly» 2020 jylǵy 30 shildedegi № 269 buıryq (Normatıvtik quqyqtyq aktilerdi memlekettik tirkeý tiziliminde 2020 jylǵy 30 shildede № 21038 bolyp tirkeldi)», delingen habarlamadama.
«Jer qoınaýy jáne jer qoınaýyn paıdalaný týraly» QR Kodeksine engizilgen túzetýlerge sáıkes, eger aýktsıondar buryn qaǵaz júzinde júrgizilip, qatysýshylarǵa belgili-bir qolaısyzdyq týǵyzsa, 1 qyrkúıekten bastap, jer qoınaýyn paıdalaný quqyǵyn alýǵa múddeli tulǵa aýktsıondarǵa onlaın tártipte qatysa alady.