Qazaqstanda kómir bir jylda 11%-ǵa qymbattaǵan
2022 jyldyń qańtar-tamyz aılarynda lıgnıt pen kómir kontsentratyn qosa alǵanda, taskómirin óndirý kólemi 76,5 mln tonnany qurady. Bul ótken jyldyń sáıkes kezeńimen salystyrǵanda 6,5%-ǵa artyq. Onyń 70,6 mln tonnasy tikeleı taskómirge, 3,1 mln tonnasy lıgnıtke, 2,7 mln tonnasy kómir kontsentratyna tıesili.
Bıyl qańtar-shildede otandyq kompanııalar lıgnıt pen kómir kontsentratyn qosa alǵanda, taskómirge suranysty 99,6%-ǵa qamtamasyz etti. Al bir jyl burynǵy kórsetkish 99,4% bolǵan edi. Osy kezeńde óndiris 5,8%-ǵa, ıaǵnı 66,4 mln tonnaǵa deıin ósti, al ımport, kerisinshe, 18,3%-ǵa, ıaǵnı 285,8 myń tonnaǵa deıin azaıdy.
Eksport 16,3%–ǵa artyp, 20,9 mln tonnaǵa jetti, al ishki naryqta satý kólemi tek 1,4% - ǵa ósip, 2022 jylǵy qańtar-shildede 45,7 mln tonnany qurady.
2022 jyldyń qyrkúıek aıynyń qorytyndysy boıynsha Qazaqstanda taskómir halyq úshin bir aıda 2,9% - ǵa jáne bir jylda 10,8% - ǵa qymbattady.
Elimizde 1 tonna kómirdiń ortasha bólshek saýda baǵasy bir jylda 13,7 myń teńgeden 15 myń teńgege deıin ósti. Eń qymbat kómir Taraz jáne Oral qalalarynda satylǵan. Joǵary baǵa Jezqazǵan (16,4 myń teńge), Almaty ( 16,2 myń teńge) jáne Taldyqorǵan (16 myń teńge) qalalarynda tirkelgen.
