Qazaqstanda qolma-qol aqshasyz tólemder 2,4 ese artty
Halyqaralyq tájirıbege sáıkes, mınıstr rásimderdi ońaılatý men kóleńkeli aınalymdar úshin tıimsiz orta qurý - qadaǵalanbaıtyn ekonomıka deńgeıin tómendetýdiń tıimdi quraly ekenin jetkizdi. Osyǵan baılanysty, salyq salý salasynda kiristerdi esepke alýdyń ashyqtyǵyn yntalandyrý, arnaıy salyq rejımderin jetildirý, salyqtyq ákimshilendirýdi ońaılatý jóninde sharalar qabyldandy.
«Bıznes ókilderiniń pikirin eskere otyryp, 2019-2020 jyldary onlaın kassalyq mashınalardy qoldaný engizildi. Bul rette, onlaın kassalyq mashınalardy satyp alýdy jeńildetý úshin yntalandyrý berilip, kassalyq mashınanyń quny salyq somasynan shegeriledi. Osylaısha, shyǵyndar óteledi», - dedi R. Dálenov Úkimet otyrysynda.
Qolma-qol aqshasyz aınalymdardy zańdastyrý úshin qosylǵan qun salyǵyn tirkeý shegi esebine qolma-qol aqshasyz tólemder engizilmeıdi.
«Budan basqa, patent boıynsha arnaıy salyq rejımin qoldanatyn kásipkerler úshin saýdadaǵy qolma-qol aqshasyz aınalymdarǵa arnalǵan mólsherleme 2%-ten 1%-ke deıin tómendedi. Nátıjesinde 2019 jyly qolma-qol aqshasyz tólemder kólemi 2,4 esege artty.
Sonymen birge, vedomstvo basshysy arnaıy salyq rejımderin jetildirý sharalyn baıandady.
«Shaǵyn jáne orta bıznes úshin rejımderdi qoldaný krıterııleri keńeıtildi. Saýda salasy ońaılandyrylǵan deklaratsııa rejımine aýystyryldy. Tirkelgen shegerimniń jańa rejımi engizildi. Bul rette, sońǵy 2 jylda arnaıy salyq rejımderin qoldanatyn kásipkerler sany 20%-ke artyp, 1,2 mln tóleýshige jetti», - dedi mınıstr.
Aıta keteıik, 2019 jyly jalpy ishki ónimge shaqqandaǵy kóleńkeli ekonomıka 23,62%-ke tómendedi .
Buǵan deıin QR Qarjy mınıstriniń mindetin atqarýshy Berik Sholpanqulov kóleńkeli ekonomıkany azaıtý úshin engizilgen quraldar týraly aıtqan edi.
Sonymen birge, QR Premer-Mınıstri Asqar Mamın kóleńkeli ekonomıkany tómendetý jóninde mınıstrlikterge tapsyrma berdi .
