Qazaqstanda qolma-qol aqshasyz operatsııalar sany artyp keledi

NUR-SULTAN. QazAqparat – Qazaqstada qolma-qol aqshasyz operatsııalar sany artyp keledi. Bul týraly búgin Úkimet otyrysynda QR Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Bıylǵy jyldyń qańtar aıynda Ulttyq bank tólem júıeleri arqyly 52,5 trln teńge somasyna 4,2 mln tranzaktsııa júrgizildi. Ortasha alǵanda, bir kúnde tólem júıeleri arqyly 2,9 trln teńge somasyna 232,5 myń tranzaktsııa oryn aldy. 2022 jylǵy qańtarda qolma-qol aqshasyz operatsııalardyń sany men kólemi 5,4 trln teńge somasyna 438,5 mln tranzaktsııany qurady», - dedi ol.

Ǵalymjan Pirmatovtyń aıtýynsha, qazaqstandyq bankterdiń el ishinde klıenttik jáne menshikti tólemder men aqsha aýdarymdaryn júrgizý boıynsha barlyq operatsııalary shtattyq rejımde júzege asyrylýda.

«Ulttyq bank naqty ýaqyt rejıminde jaǵdaıdyń damýyn jáne olardyń naryqtarǵa yqpalyn qadaǵalap otyrady. Qazaqstannyń qarjy júıesine Reseıge qarsy sanktsııalardyń áser etý dárejesin baǵalap, qarjy jáne baǵa turaqtylyǵyn qamtamasyz etý úshin is-sharalar qabyldaýdy jalǵastyrady», - dedi Ulttyq bank tóraǵasy.