Qazaqstanda qolma-qol aqshasyz esep aıyrysý 2,5 ese ósti
ALMATY. QazAqparat-Qazaqstanda tólem kartalary arqyly 52 trln teńgege 3,2 mlrd operatsııa júrgizilgen. Bul 2019 jylǵa qaraǵanda 1,7 ese joǵary,dep habarlaıdy QazAqparat tilshisi Ulttyq banktiń baspasóz qyzmetine silteme jasap.
Ulttyq banktiń málimetinshe, tólem kartalarymen jasalǵan on tranzaktsııanyń toǵyzy qolma-qol aqshasyz jasalǵan. 2020 jyl ishinde qazaqstandyq emıtentterdiń tólem kartalaryn qoldana otyryp, 35,3 trln teńgeniń 2,9 mıllıard qolma-qol aqshasyz operatsııasy júzege asyryldy. Bul 2019 jylǵy kórsetkishten 2,4 jáne 2,5 ese asyp túsedi.
Pandemııa kezinde elde qolma-qolsyz tranzaktsııalar men ınternet-dúkender kóbeıdi. Bul qolma-qol aqsha alý sanynyń azaıýymen rastalady. 2020 jyly olardyń sany 21%-ǵa azaıdy (297 mln operatsııa). Tólem kartochkalaryn ustaýshylar 16,6 trln teńgeni qolma-qol aqshaǵa aınaldyrdy.
1 aqpanyndaǵy jaǵdaı boıynsha 49,3 mıllıon tólem kartasy aınalymda boldy, 26,5 mıllıon kartany (53,8%) ustaýshylar belsendi paıdalanady.
Tólem kartalary arqyly taýarlar men qyzmetterge aqy tóleý ınfraqurylymy da keńeıip keledi.Tólem kartalaryn qabyldaıtyn kásipkerler sany artty. Karta arqyly tólem qabyldaıtyn kásipkerler sany – 108 myńnan, al saýda núkteleri – 169 myńnan asty. Qazaqstanda barlyǵy 203 myń POS-termınal jumys isteıdi.
2019 jylmen salystyrǵanda, karta arqyly tólem qabyldaıtyn bólshek saýda oryndary (26%-ǵa) men POS-termınaldardyń (26%-ǵa) kóbeıgeni baıqalady. 2020 jyldyń sońyna qaraı POS-termınaldardyń 86%-y kontaktsyz tólem fýnktsııasyn qoldady.
