Qazaqstanda qolma-qol aqshanyń kólemi ósti
QR Ulttyq banki taratqan aqparatqa qaraǵanda, 2018 jyldyń jeltoqsan aıynda qarashamen salystyrǵanda 8,5 paıyzǵa, al jalpy 2017 jyldyń kórsetkishpen 16,1 paıyzǵa, ıaǵnı 2,26 trln teńgege deıin artty.
Qolma-qol aqsha men ótimdi teńgelik depozıtter enetin M1 aqshalaı agregaty ótken aıda 10,9 paıyzǵa (2018 jyldyń basynan bastap 12,8 paıyzǵa), ıaǵnı 5,605 trln teńgege deıin artqan. Al qolma-qol aqshany, barlyq teńgelik jáne ótimdi valıýtalyq depozıtti qamtıtyn M2 ındıkatory 3 paıyzǵa (+7,1 paıyzǵa), ıaǵnı 14,467 trln teńgege deıin ósken.
Aqshalaı massa 4,6 paıyzǵa (+7 paıyzǵa) - 20,813 trln teńgege deıin kóbeıgen. Aqshalaı baza nemese QR Ulttyq banktiń aqshasy ótken jyldyń jeltoqsan aıynda 11,1 paıyzǵa (2017 jyldyń jeltoqsanynan beri 20,1 paıyzǵa) artqan. Jalpy, aqshalaı baza 4,3 paıyzǵa (+16,2 paıyzǵa) - 5,995 trln teńgege kóbeıgen.
QR Ulttyq bankiniń esebindegi ekinshi deńgeıli bankter men ózge de uıymdardyń depozıtteriniń mólsheri 13,3 paıyzǵa (+22,9 paıyzǵa) - 4,032 trln teńgege ulǵaıǵan.