Qazaqstanda qolma-qol aqsha kólemi ósti
NUR-SULTAN. QazAqparat – Qazaqstanda 2019 jyldyń shilde aıynda qolma-qol aınalymdaǵy aqsha kólemi ótken aımen salystyrǵanda 0,2% artyp, 2,236 trln teńgege jetti. Bul 2018 jyldyń jeltoqsanyndaǵy kórsetkishten 1,1% az, dep habarlaıdy QazAqparat QR Ulttyq bankine silteme jasap.
Ulttyq banktiń aqparatyna súıensek, ótken aı ishinde qolma-qol aqshalardy, lıkvıdti teńge depozıtterin qamtıtyn M1 aqsha agregaty ótken aıda 1,4% (jyl basynan berip - 0,3%) azaıyp, 5,586 trln teńgeni quraǵan. Qolma-qol aqshalardy, lıkvıdti teńge depozıtterin, lıkvıdti valıýtalyq depozıtterdiń barlyǵyn qamtıtyn M2 ındıkatory 2,6% ósip (+3,2%), 14,923 trln teńge bolǵan. Aqsha massasy 1,6% (-4,6%) qysqaryp, 19, 847 trln teńgeni quraǵan.
Aqsha bazasy nemese QR Ulttyq bankiniń aqshalary bıyl shilde aıynda 11,5% (byltyrǵy jeltoqsannan beri - 6,4%) joǵarylap, 7,078 trln teńge bolǵan. Qysqasha túsinik boıynsha, aqsha bazasy 17% (+2,3%), ıaǵnı 6,132 trln teńgege deıin artty.
Ekinshi deńgeıli bankter jáne basqa da uıymdardyń QR Ulttyq bankindegi depozıtteriniń kólemi 18,7% (+12%), ıaǵnı 4,515 trln teńgege deıin ulǵaıdy.
Avtor: Ashat Ahmetbekov
