Qazaqstanda kollektorlardyń ókilettigi shektelmek
NUR-SULTAN. QazAqparat – Qazaqstanda kollektorlyq kompanııalarǵa boryshkerdiń jaqyn týystarynan basqa tanystaryna baılanysqa shyǵýyna shekteý engizilmek, dep habarlaıdy QazAqparat tilishisi.
Qazaqstan kollektorlary odaǵynyń tóraǵasy ıÝrıı Lıdiń aıtýynsha, mundaı usynystar qarjy qyzmetteri tutynýshylarynyń quqyqtaryn qorǵaýǵa baǵyttalǵan nusqaýlarda qamtylǵan.
«Atap aıtqanda, kollektorlarǵa boryshkerdiń jaqyn týystarynan ózge tanystaryna, ıaǵnı úshinshi adamdarǵa baılanysqa shyǵýyna shekteý qarastyrylǵan. Bul turǵyda boryshkerdiń turǵylyqty jerin nemese baılanys málimetterin anyqtaý maqsatynda ǵana týystaryna habarlasý múmkindigi beriledi. Osy arqyly merzimi ótip ketken qaryzdy sotqa deıin qaıtarý maqsatynda kollektorlarǵa úshinshi adamdardyń mazasyn alýyna jol berilmeıdi. Bul óz kezeginde turǵyndar tarapynan shyǵamdardy aıtarlyqtaı azaıtýǵa septigin tıgizedi», - dedi ıÝrıı Lı Parlament Senatyndaǵy dóńgelek ústel otyrysynda.
Onyń sózine qaraǵanda, kollektorlyq agenttikterdiń mindetine boryshkermen ózara is-qımyldyń barlyq protsesin tirkeý eskerilip otyr. Osy oraıda dybys jáne beıne quryldary arqyly, onyń ishinde telefon baılanystaryn jazyp alý qarastyrylǵan. Bul qadam boryshkerlermen baılanysqa shyǵý kezinde quqyq buzýshylyqtyń oryn alý nemese bolmaýy jaǵdaıyn jeńil anyqtaý úshin iske asyrylmaq.
