Qazaqstanda kollektsııalyq monetalardyń baǵasy ózgermek
Qazaqstan Ulttyq banki ulttyq valıýta monetalaryn úsh túrde shyǵarady: tsırkýlıatsııalyq, ınvestıtsııalyq jáne kollektsııalyq.
Jomart Qajymuratovtyń aıtýynsha, banknottar men monetalardy satý jáne satyp alý qaǵıdalaryndaǵy ózgerister tek qymbat metaldan jasalǵan kollektsııalyq monetalarǵa qatysty.
Aıta ketsek, kollektsııalyq monetalar baǵaly metaldar (altyn jáne kúmis) men baǵaly emes metaldardan (melhıor jáne neızılber) shekteýli taralymmen daıyndalady. Olar kollektsııa jasaýǵa jáne nýmızmatıkalyq (ekinshi) naryqty damytýǵa baǵyttalady, sebebi kollektsııalyq monetalarǵa degen suranys – onyń taralymyna, taqyrybyna, dızaınyna, daıyndaý sapasy men qoldanylatyn tehnologııalary sekildi faktorlarǵa baılanysty artady.
«Emıtentter (memleketterdiń ortalyq nemese ulttyq bankteri) úshin kollektsııalyq monetalardy shyǵarý kommertsııalyq joba bolyp sanalmaıdy. Ulttyq bank kollektsııalyq monetalardy aınalymǵa shyǵara otyryp, eldiń mádenı, tarıhı murasyn saqtaıdy jáne nasıhattaıdy, jetistikke toly eleýli oqıǵalardy este saqtap qalýǵa úles qosady, demek, tanymdy damytý mıssııasyn oryndaıdy degen sóz»,-deıdi Jomart Qajymuratov
Naryqty odan ári damytý úshin Ulttyq bank baǵaly metaldardan jasalǵan kollektsııalyq monetalardy satý jáne satyp alý baǵalaryn belgileýge qatysty ózgerister engizgen.
«Azamattar kollektsııalyq monetalardy, ádettegideı, Ulttyq Bankke aqshasyna keri tapsyra alady. Biraq olar bastapqy ýaqytta satylǵan baǵamen qabyldanady, oǵan monetany daıyndaý quny men metaldy satyp alý kúni aıqyndalatyn metall quny kiredi. Álemniń kóptegen elinde, mysaly, Germanııada, Shveıtsarııada jáne Irlandııada kollektsııalyq monetalar nomınaldy (belgilengen) qunymen keri satyp alýǵa qabyldanady. Al AQSh-ta, kanadada jáne Avstralııada kollektsııalyq monetalar keri satyp alýǵa qabyldanbaıdy»,– deıdi Ulttyq bank ókili.