Qazaqstanda kolledj stýdentteri ózderi jasaǵan ónimdi satyp, tabys taba alady

NUR-SULTAN. QazAqparat - Memlekettik kolledj stýdentterine oqýyn toqtatpaı-aq aqsha tabýǵa múmkindik berilgen. 2021-2022 oqý jylynda qabyldanǵan zańnamalyq normalardyń arqasynda myńdaǵan stýdent tabys tapty, dep habarlaıdy QazAqparat.

ıAǵnı, jańa zańnamalyq túzetýler kolledj stýdentterine oqý-óndiristik tsehtar men oqý sharýashylyqtarynda ózderi óndirgen ónimderdi satýǵa múmkindik beredi.

Ózgeristerdi ázirleýshiler mundaı shara stýdentterdiń oqýǵa degen qyzyǵýshylyǵyn arttyryp, yntalandyratynyn atap ótti.

«Qazirgi tańda 444 memlekettik kolledjdiń 97-inde stýdentter óz ónimderi men qyzmetterin satyp jatyr. Mysaly, olar kolledj qabyrǵasynda daıyndalǵan táttilerdi, nan-toqash jáne kondıterlik ónimderdi satady. Sondaı-aq «Dánekerleý isi» mamandyǵy boıynsha oqıtyn stýdentter óndiristik tájirıbe kezinde temirden konstrýktsııa jasap, eńbek naryǵyna shyǵarady. Biz bul jerde tolyq kásipkerlik qyzmet týraly emes, tek óndiristik oqý men tájirıbe kezinde óndirilgen ónimderdiń satylyp, kolledj bıýdjetin tolyqtyrýǵa bolatynyn ǵana aıtyp otyrmyz. Bul qarajatty óndiristik oqytýǵa arnalǵan elektrodtardy nemese metaldy satyp alýǵa paıdalanýǵa bolady. Mundaı jumys elimizdiń basqa kolledjderinde de jalǵasyn tabady», - deıdi QR Oqý-aǵartý mınıstrligi tehnıkalyq jáne kásiptik bilim departamentiniń dırektory Nasymjan Ospanova.