Qazaqstanda kólikti tehnıkalyq tekserýdiń biryńǵaı operatory aýysty
ASTANA. KAZINFORM – Elimizde mehanıkalyq kólik quraldary men olardyń tirkemelerin mindetti tehnıkalyq baıqaýdyń biryńǵaı aqparattyq júıesiniń jańa operatory bekitildi.
Kólik mınıstrligi «QazAvtoJoldy» biryńǵaı tehnıkalyq baıqaý operatory etip bekitti.
— Kólik mınıstriniń buıryǵyna sáıkes «QazAvtoJol» UK AQ tehnıkalyq baıqaý aqparattyq júıesiniń biryńǵaı operatory bolyp bekitildi. Búgingi tańda «UAT» AQ-dan ókilettikterdi berý bóligindegi is-sharalardy qamtıtyn Jol kartasy ázirlendi. Protsess júrip jatyr, - deıdi mınıstrliktiń baspasóz qyzmeti.
Eske sala keteıik, buǵan deıin basqa memlekette tirkelgen sheteldik avtokólikter Qazaqstannyń aýmaǵyna ákelinip, 90 kúntizbelik kún asqan boıda mindetti tehnıkalyq baıqaýdan ótkizilý tıis ekenin jazǵan bolatynbyz.
Zulqarnaı Ermurat
