Qazaqstanda kólik sany 6 mıllıonnan asty
ASTANA. KAZINFORM — Qazaqstannyń avtoparkindegi kólikterdiń basym bóligin jeńil avtomobılder quraıdy. Al tamyzda esepke qoıylǵan jeńil kólikterdiń ishinde 20 jyldan asqan mashınalardyń úlesi eń joǵary boldy. Bul týraly Ulttyq statıstıka bıýrosy málim etti.
Bıylǵy jyldyń tamyz aıynda Qazaqstan Respýblıkasynda 166 547 avtokólik quraly esepke qoıyldy. Bir aıda tirkelgen kólik quraldarynyń jalpy sanynyń 87,5%-yn jeńil avtomobılder, 5,6%-yn júk avtomobılderi, 2,6%-yn tirkemeler, 0,8%-yn avtobýstar, 0,7%-yn mototsıklder jáne 2,7%-yn ózge de avtokólik quraldary qurady.
2026 jylǵy 1 qyrkúıektegi jaǵdaı boıynsha Qazaqstandaǵy tirkelgen kólikter sany 6,1 mıllıonǵa jýyqtady.
Onyń 5,1 mıllıonyn nemese 83,9%-yn jeńil avtomobılder quraıdy. Sondaı-aq elde 496,1 myń júk kóligi, 263,9 myń tirkeme, 89,5 myń avtobýs pen shaǵyn avtobýs jáne 75 myń mototsıkl tirkelgen.
Ózge de avtokólik quraldarynyń sany 58,7 myńǵa jetken.
Tamyz aıynda esepke qoıylǵan jeńil avtomobılderdiń qurylymynda eń joǵary úlesti shyǵarylǵanyna 20 jyldan asqan avtomobılder qurady — 28%.
Tamyzda esepke qoıylǵan jeńil kólikterdiń arasynda 20 jyldan asqan avtomobılder eń kóp boldy — 46 610 nemese 28%.
Odan keıin 3 jylǵa deıingi kólikter — 40 513 (24,3%), 10-20 jyl aralyǵyndaǵy avtomobılder — 39 646 (23,8%) boldy.
Al 3-7 jyldyq kólikterdiń sany 12 986 (7,8%), 7-10 jyldyqtary 6 011 (3,6%) boldy.
Óńirler bólinisinde shyǵarylǵanyna 20 jyldan asqan jeńil avtomobılder Almaty oblysynda — 6 254, Jambyl oblysynda — 4 643 jáne Túrkistan oblysynda — 4 559 tirkeldi.
Buǵan deıin Qazaqstanda aýyl sharýashylyǵy tehnıkasyn óndirý 22,3%-ǵa artqanyn jazdyq.
