Elimizde kólik sany 5,5 mıllıonǵa jetti — ІІM

ASTANA. KAZINFORM — Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev OKQ alańynda ótip jatqan baspasóz máslıhatynda Táýelsizdiktiń 34 jylynda eldegi kólik sany 2,5 ese óskenin aıtty. 

— Egemendik kezeńinde elimizdiń avtoparki 2 mıllıonnan 5,5 mıllıonǵa deıin, ıaǵnı 2,5 esege ósken, al halyq sany 3,5 mln adamǵa kóbeıgen. Odan bólek, el aýmaǵy arqyly 3 mln sheteldik avtokólik ótedi, — dedi Qaısar Sultanbaev.

Sondaı-aq, ol jol apatyn tirkeý esebiniń ózgergenine qaramastan, jol apaty 75%-dan (1192-den 2080-ge deıin) 51%-ǵa deıin azaıǵanyn atap ótti.

— Al kólik apatynan jaraqat alǵandar sany 91%-dan (1548-den 2954-ke deıin) 63%-ǵa (16 049-dan 26 132-ge deıin) deıin tómendegenin baıqap otyrmyz. Bıyl jol-kólik oqıǵalarynda qaza tapqandar sanyn 8%-ǵa (1480-den 1366-ǵa deıin) tómendedi, — dedi komıtet basshysy.

Eske salsaq, maýsym aıynda elordadaǵy avtobýs apatynyń saldarynan bir balanyń eki aıaǵy birdeı kesilgen bolatyn.