Qazaqstanda kóliktiń ádemi memlekettik nómirler tizimi keńeıtiledi
ASTANA. QazAqparat - Qazaqstanda kóliktiń ádemi memlekettik nómirler tizimi keńeıtiledi. Bul týraly búgin QR Parlamenti Májilisinde «Jol qozǵalysy týraly» QR Zańyna ózgerister engizý týraly» zań jobasyn talqylaý barysynda depýtat Qanat Mýsın málim etti, dep habarlaıdy QazAqparat.
«Memlekettik salyqtyń joǵarylatylǵan stavkasy alynatyn ádemi nómirlerdiń tizimi keńeıtiledi. ıAǵnı, suranys usynysty týyndatatyndyǵy belgili. Sondyqtan bul máseleni sheshý barysynda jemqorlyq táýekelin tómendetý úshin atalǵan nómirlerdiń tizimi keńeıtilmek. Sandyq jáne áriptestik jańa tirkester qosylatyn bolady jáne soǵan oraı olardyń memlekettik salyq stavkalary anyqtaldy», - dedi Qanat Mýsın.
Onyń atap ótýinshe, bastapqyda Májilis depýtattary atalǵan zańǵa engizilýi tıisti 120-dan astam túzetýdi qarastyrǵan. Nátıjesinde onyń 55-i qalyp otyr. Zańda jol júrisi erejesin buzǵany úshin ákimshilik aıyppuldardy azaıtý, qujattardy tekserý barysynda kólik júrgizýshige foto jáne beınetúsirilim jasaýǵa ruqsat berý, kúndizgi ýaqytta eldi mekender ishinde júrgen kezde kóliktiń jaqyn jaryǵyn qosý mindetin alyp tastaý, ishki ister organdarynyń qyzmetkerleri toqtatqan jaǵdaıda onyń ruqsatynsyz jolaýshylardyń kólikten shyǵýǵa tyıymdy alyp tastaý, júrgizýshi kýáliginiń jaramdylyq merzimi ótip ketken jaǵdaıda qaıta emtıhan tapsyrý talabyn alyp tastaý kózdelgen.
