Qazaqstanda kóliktik-logıstıkalyq ortalyqtyń bazasynda áýejaılardy basqarý departamenti quryldy - AAK
ASTANA. 29 shilde. QazAqparat - Qazaqstanda kóliktik-logıstıkalyq ortalyq negizinde áýejaılardy basqarý departamenti qurylǵan, oǵan 11 áýejaıdyń aktsııalary tapsyrylady. Bul týraly QR Kólik jáne kommýnıkatsııa mınıstrliginiń Azamattyq avıatsııa komıtetiniń tóraǵasy Beken Seıdahmetov málim etti, dep habarlady Primeminister.kz.
«Kóliktik-logıstıkalyq ortalyqtyń bazasynda áýejaılardy basqarý departamenti qurylǵan, oǵan 11 áýejaıdyń aktsııalary tapsyrylady», - dedi B.Seıdahmetov.
Mundaı qurylymdy qurýdyń maqsaty - atalǵan kásiporyndardyń menedjmentin shoǵyrlandyrý, halyqaralyq standarttar negizinde damý jáne basqarý strategııasyn jasaý, aqtyq esepte bul áýejaılardyń qyzmetteriniń tıimdiligi men sapasyn arttyrýda kórinýi tıis.
B.Seıdahmetovtiń aıtýynsha, bizdiń áýejaılar bir áýe kemesine 1,5 saǵat qyzmet kórsetedi, alaıda halyqaralyq áýe habtarynyń praktıkasynda bul protsedýra orta eseppen alǵanda 40 mınýtqa deıin ýaqyt alady. «Osyǵan áýe kemelerin, jáne jerdegi qyzmetterdi paıdalaný tıimdiligi baılanysty», - dep atap ótti ol.
«Áýejaılardy damytý strategııasyna Lufthansa Consulting sheteldik kompanııasymen tapsyrys berilgen, ol avıatsııalyq qyzmetter naryǵyn taldaýmen, eksplýatatsııalyq shyǵyndardy azaıtýmen, áýejaılardyń kommertsııalyq tıimdiligin arttyrýmen aınalysady», - dep tolyqtyrdy AAK basshysy.
Búgingi tańda, Komıtet tóraǵasynyń málimetinshe, respýblıkalyq mańyzdaǵy 18 áýejaıdyń 10-y shyǵyndy bolyp tabylady, negizinen bul tasymaldaý belsendiligi tómen óńirlik kásiporyndarǵa qatysty.
Qun qurylymynda ushý saǵatynda áýejaı qyzmetteri 12% quraıdy, bul álem praktıkasyna sáıkes keledi.
Sonymen qatar, tabıǵı monopolııalar týraly zańnamaǵa áýejaılardan beıindik emes qyzmetten kiris alýǵa shekteýdi alyp tastaýǵa qatysty ózgerister engizilgen.
Osylaısha, sońǵy 10 jylda 18 áýejaıdyń jartysynda ushý-qoný jolaqtaryn jóndeý boıynsha jumystar júrgizilgen, 11 áýejaıda termınaldardy jóndeý júrgizilgen.
B.Seıdahmetovtiń sózine qaraǵanda, Astana qalasyndaǵy áýejaıdyń qazirgi termınalyn keńeıtý josparlanǵan.
«EKSPO-2017 ótkizýge daıyndyq aıasynda elorda áýejaıy termınalynyń syıymdylyǵyn is-sharaǵa qanshama qonaq keletinin eskere otyryp, shamamen 2 esege arttyrý josparlanǵan. Qazirgi ýaqytta Astana qalasyndaǵy áýejaıdy keńeıtý boıynsha jospardyń TEN ázirlenýde», - dep túsindirdi AAK basshysy.
