Qazaqstanda kólikti belgilengen arnaıy jerlerge ǵana qoıý týraly bap alyndy
ASTANA. QazAqparat - Qazaqstanda 1 qańtarda «Jol qozǵalysy týraly» zańnyń keıbir tolyqtyrýlary men ózgertýleri týraly zań kúshine endi.
Ol boıynsha kólikterdi tek belgilengen arnaıy jerlerge turaqqa qoıý týraly bap alynyp tastaldy.
Bunyń aldynda jol boıyna kólik qoıýǵa tyıym salatyn bap qoǵam arasynda úlken pikirtalas týǵyzǵan edi. Túrli sarapshylar elde turaqqa qoıýǵa ruqsat beretin jerlerdiń jáne tıisti ınfraqurylymdardyń azdyǵynan bul baptyń qısynsyz bolatynyn aıtyp, IIM-ne hat jazǵan bolatyn. Óz kezeginde polıtseıler oǵan jergilikti ákimdikter jaýapty degen. Bul zańnamadaǵy jalǵyz ózgertý emes. Bunyń aldynda habarlanǵanyndaı, 1 qańtardan bastap, kólikti basqarýǵa beriletin senimhat endi kerek emes bolady. Sondaı-aq, tehnıkalyq baıqaýdan ótkizý talaptary ózgertildi. Jańa kólikter burynǵydaı tórt jyldan keıin emes, jeti jyldan keıin tehnıkalyq baıqaýdan ótýleri tıis.
