Qazaqstanda kólikterge arnalǵan júıe janar-jaǵarmaıdy 30 paıyzǵa deıin únemdeýge múmkindik beredi
ASTANA. QazAqparat - Qazaqstanda kólikterge arnalǵan «Mobiliuz» júıesi janar-jaǵarmaıdy 30 paıyzǵa deıin únemdeýge múmkindik beredi. Bul týraly «QazAqparat» tilshisine bergen suhbatynda «Mobiliuz» kompanııasynyń bas dırektory Rýslan Egembaev málim etti.
«Biz kóliktiń, júrgizýshiniń jaǵdaıyn únemi baqylap turatyn jobany júzege asyrýdamyz. Keıinnen bul málimetterdi qorytyp, tapsyrys berýshilerdiń júıesine jiberemiz. Mysaly, onda kóliktiń janarmaıdy qansha kólemde jaǵyp turǵandyǵyna, kólikti basqarý kezinde júrgizýshiniń jolda ereje buzýyna taldaý jasalady. ıAǵnı bizdiń jasaǵan tuǵyrnama kóliktiń elekronıkasyna qosylady jáne onda birqatar sensorlar jasaqtalǵan. Ondaǵy málimetter standartty GSM baılanysymen bizge málimetter túrinde jiberiledi, al biz óz kezegimizde serverlerde ony óńdeımiz»,-dedi R. Egembaev.
Onyń sózine qaraǵanda, Qazaqstanda bul júıeni paıdalanýshylar retinde qoǵamdyq kólikterdiń, taksı kompanııalarynyń ıeleri jáne túrli kásiporyndar qyzyǵýshylyq tanytýda.
«Biz birqatar shet memleketterde de kommertsııalyq jobalardy iske asyrýdamyz. Bizdiń júıe janar-jaǵarmaıdy 30 paıyzǵa deıin, sonymen qatar kóliktiń qural-saımandary men qyzmet kórsetýde 20 paıyzǵa deıin qarjy únemdeýge múmkindik beredi. Bıznestiń aýqymynda bul óte qomaqty qarjy»,-dedi bas dırektor.
Munymen qosa ol aldaǵy jyly birqatar jańa servıster engiziletinin atap ótti.
