Qazaqstanda kólik urlyǵy azaıdy
ASTANA. QazAqparat – Bıylǵy qańtar-qyrkúıek aılarynda Qazaqstanda 251 avtokólik urlyǵy tirkeldi, bul – bir jyl burynǵy derekpen salystyrǵanda 6 paıyzǵa az, dep habarlaıdy QazAqparat energyprom.kz saıtyna silteme jasap.
Ótken jyldyń sáıkes kezeńinde respýblıkada 267 avtokólik urlyǵy tirkeldi, ıaǵnı jyldyq dınamıka boıynsha 16,3%-ǵa tómendeýi – eleýli ózgeris. 2020 jyly koronavırýs pandemııasy bastalǵannan beri elimizde avtokólik urlyǵynyń tirkelýi júıeli túrde azaıyp keledi.
Óńirler boıynsha avtokólik urlyǵynyń basym bóligi Almaty qalasynda tirkeldi: 57 jaǵdaı – bir jyl burynǵyǵa qaraǵanda birden 46,2%-ǵa artyq.
«Kóshbasshy» úshtikke Qostanaı (31 avtokólik urlyǵy, bir jyl ishinde kóbeıý – 19,2%) jáne Qaraǵandy (28 avtokólik urlyǵy, tómendeý – 24,3%) oblystary kirdi. Kólik urlyǵy eń az tirkelgen óńir – Soltústik Qazaqstan oblysy, munda byltyrǵydaı 2 oqıǵa bolǵan.
Atyraý oblysynda avtokólik urlyǵynyń aıtarlyqtaı kóbeıgeni baıqaldy: bir jyl ishinde 3 ese jıilep, 6 jaǵdaı tirkeldi. Al, Aqtóbe oblysynda urlyq sany úsh esege jýyq azaıǵan: 10 fakt tirkeldi, 2021 jyldyń qańtar-qyrkúıeginde 27 jaǵdaı bolǵan.
