Qazaqstanda kólik salasynda qyzmet kórsetý standarttary ázirlendi
ASTANA. 19 jeltoqsan. QazAqparat - Qazaqstanda kólik salasynda qyzmet kórsetý standarttary ázirlendi. Bul týraly búgin QR Prezıdenti janyndaǵy Ortalyq kommýnıkatsııalar qyzmeti uıymdastyrǵan brıfıngte QR Kólik jáne kommýnıkatsııa mınıstri Asqar Jumaǵalıev málim etti.
«Bıyl «Ózen - Túrkimenstan memlekettik shekarasy» «Jetigen -Qorǵas» temir joldaryn salýdy aıaqtadyq. Prezıdent tapsyrmasyna sáıkes «Beıneý-Jezqazǵan», «Arqalyq-Shubarkól» temir joldarynyń qurylysy bastaldy»,- dedi A.Jumaǵalıev.
Jalpy, 2012 jyl temirjol salasy úshin tabysty jyl boldy. Jobalyq qýattylyǵy jylyna 150 vagon qurastyrýǵa eseptelgen Talgo jolaýshylar vagonyn óndiretin zaýyt, jáne jobalyq qýattylyǵy jylyna 100 sektsııa shyǵarýǵa eseptelgen elektrovoz zaýyty paıdalanýǵa berildi. Al joǵaryda atalǵan jalpy uzaqtyǵy 1202 shaqyrymdy quraıtyn 2 temir joldyń qurylysyna 13 myń adam tartylyp, qurylys jumystary aıaqtalysymen 3500 jumys orny ashylatyn bolady.
Sonymen qatar mınıstrdiń atap ótýinshe, elimizde kólik salasynda qyzmet kórsetý standarttary ázirlendi. «Bul qujattarda áýejaıda, avto jáne temir jol vokzaldarynda poıyz, avtobýs, ushaqta jolaýshylarǵa qyzmet kórsetetin naqty krıterııler tolyq kórsetilgen», - dedi ol.
