Qazaqstanda kólik quraldarynyń qaýipsizdigi týraly jańa úlgidegi kýálikter berile bastady

ASTANA. QazAqparat - Qazaqstanda eski sáıkestik sertıfıkatynyń ornyna kólik quraldaryn aınalymǵa shyǵarý boıynsha jańa úlgidegi qujattar berile bastady, dep habarlaıdy QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń baspasóz qyzmetinen.

«Dońǵalaqty kólik quraldarynyń qaýipsizdigi týraly» Keden odaǵynyń tehnıkalyq reglamentin júzege asyrý maqsatynda joǵaryda atalǵan qujattardy toltyrý jóninde 22 synaq zerthanasy men 4 sáıkestikti rastaý jónindegi organ akkredıtteýden ótti. Olar týraly aqparatty www.nca.kz. saıtynan alýǵa bolady», delingen habarlamada.

Búgingi tańda 200-ge jýyq kólik quralynyń qaýipsizdigi týraly kýálik berildi.

Keden odaǵynyń atalmysh tehnıkalyq reglamentin júzege asyrýǵa baılanysty basqa máseleler da jóninde jáne onyń talaptaryn rastaıtyn kólik quraldary men olardyń quraýyshtarynyń qujattaryn toltyrý týraly memlekettik organdardyń, sáıkestikti rastaý jónindegi organdar men synaq zerthanalarynyń, bıznes-qaýymdastyqtardyń ókilderi, avtoóndirýshiler men dılerler qatysqan semınar ótkizildi.