Qazaqstanda kólik quraldaryn tirkeýden shyǵarý rásimi jeńildetildi
ASTANA. 28 qarasha. QazAqparat - «Kólik quraldarynyń jekelegen túrlerin sáıkestendirý nómiri boıynsha tirkeý jáne esepke alý erejesin bekitý týraly» QR Úkimetiniń 2013 jylǵy 26 tamyzdaǵy №851 qaýlysymen ІІM kólik quralyn tirkeý týraly kýáligi (QRTK) jáne memlekettik nómirlik belgileri joq avtokólikti tirkeýden shyǵarýǵa qatysty ózgerister engizildi.
«Sońǵy ýaqytta «senimhat boıynsha» avtokólikterin satqan azamattarǵa keıbir aıyppul túrlerin tóleýge qatysty túbirtekter kelip, olar bizge kólikterin esepten shyǵarý týraly ótinishtermen júgingen bolatyn. Azamattardyń qolynda tıisti qujattarynyń joq bolýyna baılanysty kómek bere almadyq», - deıdi ІІM ÁPK basqarma bastyǵy Bahytjan Baltashev.
Al qazirgi kezde kólik quralynyń ıeleri QRTK jáne/nemese nómirlik belgisi bolmaǵan jaǵdaıda ornalasqan jeri belgisiz avtokólikti esepten shyǵarý múmkindigine ıe boldy. Mundaı jaǵdaıda arnaıy oryndar kólik quralynyń sońǵy úsh jyl ishinde paıdalanbaǵanyn rastaıtyn suraý salyp, onyń qorytyndysy boıynsha Іshki ister mınıstrliginiń tirkeý bólimderi kólik quralyn esepten shyǵara alady, dep habarlady ІІM Ákimshilik polıtsııa komıtetiniń baspasóz qyzmetinen.
