Qazaqstanda kólik quraldarymen munaı ónimderin áketýge 6 aı tyıym salyndy
«Іshki naryqta munaı ónimderiniń tapshylyǵyn boldyrmaý maqsatynda QR Energetıka mınıstrligi avtomobıl kólik quraldaryn daıyndaýshy zaýytpen kózdelgen jáne tehnıkalyq sharttarǵa sáıkes ornatylǵan benzın baktarynda, sondaı-aq jalpy kólemi 20 lıtrden aspaıtyn jeke ydystarmen áketý jaǵdaılaryn qospaǵanda, jaǵarmaıdy (EAEO SEQ TN kody 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0) qospaǵanda, benzınderdi, dızel otynyn jáne munaı ónimderiniń jekelegen túrlerin Qazaqstan aýmaǵynan áketýge tyıym salýda», - delingen habarlamada.
Bul tyıym alty aı merzimdi kózdeıdi.
Osyǵan baılanysty «Qazaqstan Respýblıkasy aýmaǵynan munaı ónimderin áketýdiń keıbir máseleleri týraly» tıisti buıryq qabyldandy.
