Qazaqstanda kólik qozǵalysyndaǵy kemshilikter úshin 1,2 myń laýazym ıesi jazalandy
ASTANA. QazAqparat - Bıyl kólik joldaryndaǵy kemshilikter úshin 1,2 myń laýazym ıeleri jaýapkershilikke tartyldy. Bul týraly «QazAqparatqa» QR ІІM Memlekettik til jáne aqparat departamentinen habarlandy.
«Jobalaý-tehnıkalyq qujattamany kelisý kezinde biz kósheler men jol jelisiniń ótkizý qabilettiligine, turaqtardyń, jaıaý júrginshilerge arnalǵan ótpeli joldardyń jáne ózge ınjenerlik sheshimderdiń bolýyna nazar aýdaramyz. Olar jol qaýipsizdigin tıisti deńgeıde qamtamasyz etýge múmkindik beredi. Budan bólek, Ákimshilik polıtsııa avtomobıl joldary men kósheler jelisin tekserýdi udaıy júrgizedi. Anyqtalǵan kemshilikter boıynsha jergilikti atqarýshy organdarǵa jol qozǵalysyn jetildirý, apattyq qaýipti ýchaskelerdi joıý, jol júrisin retteýdiń zamanaýı tehnıkalyq quraldaryn engizý jónindegi usynystarmen aqparat joldanady»,-deıdi departamenti mamandary.
Atap aıtqanda, 2015 jyly 330 myń shaqyrym joldy qamtı otyryp, avtomobıl joldary men kóshe jelesine 14 myńnan astam tekserý júrgizildi. Bul rette joldardy kútip ustaýda anyqtalǵan kemshilikterdi joıý boıynsha 12 myńnan astam nusqama berildi, sondaı-aq jol jáne kommýnaldyq qyzmetterdiń 1 579 laýazymdy tulǵasy ákimshilik jaýapkershilikke tartyldy.
«2016 jyldyń 8 aıynda 240 myń shaqyrym joldy qamtyp, kólik joldary men kóshe-jol jelisine 10,7 myńnan astam tekserý júrgizildi. Anyqtalǵan kemshilikterdi joıý boıynsha 9,2 myńnan astam nusqama berildi, 1218 laýazymdy tulǵa ákimshilik jaýapkershilikke tartyldy. Sondaı-aq jol jelisi men avtomobıl joldaryn salý, kútip ustaý máseleleri tikeleı QR IDM Avtomobıl joldary komıtetiniń (halyqaralyq jáne respýblıkalyq joldar boıynsha) jáne jergilikti atqarýshy organdardyń (jergilikti mańyzdaǵy joldar) quzyretinde»,-dep habarlandy vedomstvodan.
