Qazaqstanda kólik apattarynyń árbir 11-i joldyń qarsy baǵytyna shyǵýdan bolady - ІІM
ASTANA. 1 qarasha. QazAqparat - Ótken aptada elimizde 206 jol-kólik oqıǵasy (JKO) tirkeldi, saldarynan 73 adam qaza bolyp, 267-si jaraqattar aldy.
Tirkelgen apattardyń deni joldyń qarsy betine shyǵyp ketýmen baılanysty boldy. Bul týraly QR ІІM Jol polıtsııasy komıtetinen málim etti.
«JKO-larǵa jasalǵan taldaý kórsetkendeı, jyl basynan oryn alǵan apattardyń árbir 11-i júrgizýshilerdiń joldyń qarsy baǵytyna shyǵýymen baılanysty boldy. Onymen qosa, zardaptardyń eń joǵary kórsetkishi osy buzýshylyqqa tıesili, naqty aıtqanda, joldyń qarsy baǵytyna shyǵyp ketýden bolǵan jol apattarynda zardap shekken árbir 100 adamǵa 28 qaza bolǵan adamnan keledi»,-dep atap ótti QR ІІM Jol polıtsııasy komıtetiniń tóraǵasy Berik Bısenqulov.
Mundaı buzýshylyqtardyń sebepteri ártúrli - alda kele jatqan mashınany basyp ozý áreketi, kenetten manevr jasaý, alańǵasarlyq. Ókinishke qaraı, bulardyń sońy qaıǵyly aıaqtalady.
«Kólikti basyp ozýdyń qıyndyǵy men qaýiptiligi - júrgizýshi qysqa ýaqytta manevrdi jasaýdyń qaýipsizdigine áser etetin kóptegen faktorlardy oılastyryp úlgerýi qajet. Bul - kóliginiń baǵytyna, jyldamdyǵyna, basyp ozatyn kóliktiń uzyndyǵyna jáne qarsy baǵyttaǵy kólik quraldaryna baqylaý jasaý» - deıdi Berik Bısenqulov.
Jol polıtsııasy osyndaı jaǵdaılarda basyp ozatyn kóliktiń jyldamdyǵy men qarsy baǵyttaǵy mashınanyń jyldamdyǵy qosylatyndyǵyn eskertedi: eger siz saǵatyna 80 shaqyrymmen jáne qarsy baǵyttaǵy kólik týra osy jyldamdyqpen qozǵalyp kele jatsa, sizder bir-birlerińizge 160 shaqyrymmen jaqyndap kelesiz degen sóz. Bul kólikterdiń bir-birine 44,4 m/s jaqyndap keletindigin bildiredi. ıAǵnı kólikter 200 metr qashyqtyqty 5 sekýndta júrip ótedi.
Aıta ketý kerek, qazirgi ýaqytta Ákimshilik quqyq buzýshylyq týraly kodekstiń 463-3 babynyń, 3-tarmaǵymen joldyń qarsy baǵytyna shyǵyp ketkendigi úshin (eger de ol Jolda júrý erejesimen tyıym salynǵan bolsa) 15 AEK (24 270 teńge) kóleminde aıyppul qarastyrylady. Eger atalmysh buzýshylyq bir jyldyń ishinde qaıtalanatyn bolsa - kólikti basqarý quqyǵynan 6 aıǵa aıyrý kózdelgen.
Degenmen, jyl basynan beri joldyń qarsy baǵytyna shyǵýmen baılanysty Jolda júrý erejesiniń 23 myń buzýshylyǵy tirkeldi.
Osyǵan baılanysty, ІІM-niń Jol polıtsııasy komıteti joldyń qarsy baǵytyna shyǵý men JJE-niń basqa da óreskel buzýshylyqtary úshin ákimshilik jaýapkershilikti kúsheıtý boıynsha bastama kóterýdi josparlaýda.
