Qazaqstanda kóleńkeli ekonomıkaǵa qarsy is-qımyldyń 2013-2015 jyldarǵa arnalǵan keshendi josparyn oryndaý jandandyrylady

ASTANA. 4 qarasha. QazAqparat - Qazaqstanda kóleńkeli ekonomıkaǵa qarsy is-qımyldyń 2013-2015 jyldarǵa arnalǵan keshendi josparyn oryndaý jandandyrylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.

Onyń atap ótýinshe, mınıstrlik memlekettik organdarmen birlesip, Qazaqstan Respýblıkasynda kóleńkeli ekonomıkaǵa qarsy is-qımyldyń 2013-2015 jyldarǵa arnalǵan keshendi josparyn oryndaýdy jandandyratyn bolady. Keshendi josparda barlyǵy 9 baǵdarlama boıynsha 122 is-shara kózdelgen. Aǵymdaǵy jylǵy 9 aıdyń qorytyndysy boıynsha jospardyń 44 tarmaǵy nemese osy jylǵy jospardyń 43 paıyzy iske asyryldy. Barlyq memlekettik organdarǵa jyldyń aıaǵyna deıin olardy oryndaý boıynsha tolyq sharalardy qabyldaý qajet.