Qazaqstanda kóleńkeli ekonomıka salasyndaǵy qylmystarǵa jaýapkershilikti kúsheıtý usynyldy
«Ekonomıkalyq qyzmet salasyndaǵy kóleńkeli ekonomıka belgileri bar qylmystyq zańbuzýshylyqtar salasyndaǵy zańnamada jemqorlyq, lańkestik jáne ekstremıstik qylmystar uqsastyǵy boıynsha normalardy jasaqtaý qajet», - dedi ol búgin QR Parlamenti Senatynda ekonomıkalyq qylmystardy aldyn alýǵa qatysty ótken dóńgelek ústelde.
Onyń sózinshe, kóleńkeli ekonomıka salasynda jaýapkershiliktiń arttyrylýy ózge ekonomıkalyq zańbuzýshylyqtardyń quramyn izgilendirýge jol ashady.
«Bul, óz kezeginde, bıznes-klımatty jaqsartý jáne kásipkerlerge salynatyn qysymdy azaıtý maqsatynda Memleket basshysynyń ekonomıka salasyndaǵy zańbuzýshylyqtardy izgilendirý jónindegi tapsyrmasyn oryndaýǵa septigin tıgizedi», - dedi Ahmetjanov.
Osyǵan baılanysty ol, kóleńkeli ekonomıkamen baılanysty qylmystyq quramdardy jeke bólip, olarǵa jaýapkershilikti qatańdatýdy usyndy.