Qazaqstanda kólemdi sýyq antıtsıklon kaharyn kórsetýde - sınoptıkter
ASTANA. 19 jeltoqsan. QazAqparat -Qazaqstan aýmaǵynyń basym bóligine kólemdi sýyq antıtsıklon áseri, onymen birge aıazdy kún raıy saqtalýda. Respýblıkanyń jekelegen aýdandarynda atmosferalyq aǵymdardyń ótýine baılanysty 20 jeltoqsanda keı jerlerde qar jaýyp, jel kúsheıýi yqtımal.
Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Qyzylorda, Mańǵystaý, Atyraý, Batys Qazaqstan, Jambyl oblystarynda keıbir jerlerde jel 15-22 m/s deıin kúsheıip, Jambyl oblysynda kúndiz jel ekpini 23-28 m/s deıin jetedi.
Qostanaı, Soltústik Qazaqstan, Shyǵys Qazaqstan oblystarynda túnde jáne tańerteń keıbir jerlerde tuman túsedi.
Túnde Qaraǵandy oblysynda óte qatty aıaz saqtalady.
Almaty, Shyǵys Qazaqstan, Ońtústik Qazaqstan, Pavlodar, Jambyl oblystarynda qatty aıaz saqtalady, Almaty oblysynyń keıbir jerlerinde óte qatty aıaz bolady.
Aldaǵy táýlikte Qazaqstannyń kóptegen sý nysandarynda muz qatý protsesiniń kúsheıýi kútiledi. Respýblıkanyń ońtústik, ońtústik-shyǵys jáne shyǵysynyń jekelegen ózenderinde seń toqtaýy, sý deńgeıiniń kóterilýi múmkin.
Buryn habarlanǵandaı, 20-21 jeltoqsan kúnderi temperatýranyń tómendeýine baılanysty Almaty oblysynyń jekelegen taýly ózenderinde seń toqtaýy, sý deńgeıiniń kóterilýi yqtımal.
