Qazaqstanda qoldan ishimdik jasaıtyn 25 tsehtyń kózi joıyldy

NUR-SULTAN. QazAqparat - Memlekettik kirister organdary 2017 jyly - 6 mln 400 myń lıtr, 2018 jyly - 3 mln 700 myń lıtr, 2019 jyly - 6 mln 100 myń lıtr, bıylǵy jyldyń 9 aıynda - 320,2 myń lıtr zańsyz alkogol ónimin tárkiledi. Bul jaıynda Memleketti kirister komıtetine silteme jasap QazAqparat habarlaıdy.

Bul rette alkogol naryǵyna qatysýshylar alkogol ónimderin retteý salasyndaǵy zańnamanyń normalaryn buzǵany anyqtalǵan bolatyn (alkogol ónimderin ruqsat qujatynsyz jáne ilespe júkqujatsyz, bekitilgen baqylaý markasyz satý).

Zańsyz alkogol ónimderdiń 23,6% shekaradan ótý kezinde jáne 76,4% alkogol ónimderin satý obektilerinde anyqtaldy.

Sonymen birge, Qyrǵyzstanmen shekarada 23,8 myń lıtr mólsherindegi etıl spırti jáne 14,5 myń lıtr araq ákelýdiń joly kesildi.

Qarjy monıtorıngi komıtetiniń ekonomıkalyq tergeý qyzmeti usynǵan aqparatqa sáıkes, Qazaqstan aýmaǵynda zańsyz alkogol ónimderin shyǵaratyn 25 tseh taratyldy: Almaty qalasy – 11, Almaty oblysy – 4, Shymkent qalasy - 3, Túrkistan oblysy – 2, Aqtóbe, Qostanaı, Shyǵys Qazaqstan, Pavlodar jáne Jambyl oblystarynda – 1.