Qazaqstanda qolda bar jeńil avtokólikter sany 4 mln. birlikke jýyqtady
ASTANA. QazAqparat - QR Ulttyq ekonomıka mınıstrligi Statıstıka komıtetiniń derekterine qaraǵanda, 2014 jylǵy qańtar-qarashada respýblıkada 637 257 jeńil avtomobıl tirkelgen. Bul ótken ótken jylǵy tıisti kezeńmen salystyrǵanda 15 paıyzǵa joǵary. Sonymen qatar, 2014 jylǵy 1 jeltoqsandaǵy jaǵdaı boıynsha jeńil avtokóliktiń qolda bary 3 906,2 myń birlikti qurady.
Statıstıka komıtetiniń málimetterine súıensek, 2014 jyldyń qańtar-qarasha aralyǵynda elimizde 637 myń 257 birlik avtokólik tirkelse, sonyń 606 myń 827-i jeke tulǵalardyń, 30 430-y zańdy tulǵalardyń enshisine tıip otyr. Esepti kezeńde tirkelgen avtokólikterdyń eń kóbi Ońtústik Qazaqstan (82 983 birlik), Almaty (80 803 birlik) oblystary jáne Almaty qalasyna (78 myń 740 birlik) tıesili. Shyǵý jyldaryna kelsek, osy kezeń ishinde tirkelgen jeńil avtokólikterdiń basym bóligi (383 363 birlik) 10 jyldan asqan. Bul rette tirkelgen jeńil avtokólikterdiń 142 myń 372 birliginiń qoldanysqa engenine 3 jyl tolmaǵan.
