Qazaqstanda qolda bar avtokólikter sany 4 mln. 81,9 myń birlikke jetti
ASTANA. QazAqparat - QR Ulttyq ekonomıka mınıstrligi Statıstıka saıtynyń habarlaýyna qaraǵanda 2015 jylǵy qańtarda Qazaqstan Respýblıkasynda 63 741 jeńil avtomobıl tirkeldi.
Bul kórsetkish ótken jylǵy tıisti kezeńmen salystyrǵanda 51,7 paıyzǵa joǵary. Sonymen qatar, komıtettiń málimetterine qaraǵanda, 2015 jylǵy 1 aqpandaǵy jaǵdaı boıynsha elimizdegi jeńil avtokóliktiń qolda bary 4 081,9 myń birlikti qurap otyr.
«2015 jyldyń qańtar aıynda tirkelgen jeńil avtokólikterdiń eń kóbi Ońtústik Qazaqstan oblysyna tıesili - 8397 birlikti quraıdy. Budan keıingi orynda Almaty qalasynda 7950 birlik kólik tirkelse, Almaty oblysynda tirkelgen kólik 7195-ke jetti», - delingen baspasóz baıanynda.
Al jeńil avtokólikter eń az tirkelgen aımaq Qyzylorda oblysy - 1730 birlikti qurady.
