Qazaqstanda kólbeý monıtorıngileýdi engizý múmkindigi qarastyrylýda
ASTANA. QazAqparat - Qazaqstanda kólbeý monıtorıngileýdi engizý múmkindigi qarastyrylýda. Bul týraly búgin QR QM Memlekettik kirister komıteti arnaıy basqarmasynyń bas mamany Darhan Ábdiqadyrov málim etti.
Onyń atap ótýinshe, kólbeý monıtorıngileý tujyrymdamasyn ázirlegen Nıderlandynyń Salyq qyzmeti 2004 jyly Nıderlandyda muny birinshi ret qoldanǵan.
«Kólbeý monıtorıngileý tujyrymdamasy «Qaǵıdalar sanyn azaıtýǵa, quqyqtyq normalardy úzdik oryndaýǵa jáne qoǵam tarapynan úlken jaýapkershilikke» qol jetkizýdi kózdeıdi. Bul ádis salyq organyna aqparatty erikti ashyp kórsetýge, salyq tóleýshiler men salyq organdary arasyndaǵy aqparattyq almasýǵa kelisýge, salyq tóleýshilermen aqparattyq ózara is-qımyldy keńeıtýge, ekonomıkalyq táýekelderdi eskertýge, keıingi salyqtyq baqylaý aýyrtpashylyǵyn azaıtýǵa senim bildirýge negizdelgen. Memleket úshin kólbeý monıtorıngileýdiń basty artyqshylyǵy, bıznestiń salyqtardan ketýdiń túrli shemalaryn qoldanýdyń táýekelderin edáýir azaıtý bolyp tabylady. Qosymsha tıimdiligi - tekserýlerdi jáne onymen baılanysty shyǵystardy qysqartý», - dedi ol.
Onyń sózine qaraǵanda, 2015 jyly «Shell International BV» jáne Ernst end ıAng kompanııalary Reseı men Nıderlandyda kólbeý monıtorıngileýdi engizýdiń halyqaralyq tájirıbe máselelerine arnalǵan Memlekettik kirister komıtetiniń qyzmetkerleri úshin birneshe trenıng ótkizgen.
