Qazaqstanda qolaısyz aýa raıyna baılanysty 36 áýe reısi toqtatyldy
ASTANA. QazAqparat - Elimizde kún raıynyń kúrt buzylýyna baılanysty 36 áýe reısi kidirip tur.
Olardyń jartysy elordaǵa ushyp kelýi tıis bolsa, qalǵan bóligi Astana áýejaıynan ushyp ketýi tıis bolatyn. Qazirgi ýaqytta elordaǵa baǵyttalǵan halyqaralyq jáne ishki áýe reısteri Qaraǵandy áýejaıyna jiberilip jatyr. Bul áýejaıǵa osy ýaqytqa deıin Atyraý, Almaty, Qyzylorda jáne Bishkekten kelgen ushaqtar qondy, dep jazady 24.kz.
Sondaı-aq, elordadan Úrimshi jáne Petropavl baǵytyndaǵy eki áýe reısi 7 jeltoqsanǵa aýystyryldy. Aıta keteıik, Astana áýejaıyndaǵy aýa temperatýrasy - 11 gradýs. Kórý múmkindigi -100 metr. Al jeldiń ekpini sekýndyna 15 metr. Áýejaı shtattyq tártipte jumys isteýde, reısterge baılanysty aqparat árdaıym aýysyp otyr.
