Qazaqstanda kókjótelmen aýyrǵandar sany 2,4 ese azaıdy
ASTANA. KAZINFORM — 2026 jyldyń basynan beri Qazaqstanda kókjóteldiń 83 jaǵdaıy tirkeldi, bul 2025 jyldyń osy kezeńimen salystyrǵanda syrqattanýshylyqtyń 2,4 esege tómendegenin kórsetedi, dep habarlaıdy DSM baspasóz qyzmeti.
Komıtet vaktsınatsııanyń kókjóteldiń aldyn alýdyń jáne aýrýdyń aýyr asqynýlarynyń, ásirese erte jastaǵy balalar arasynda, aldyn alýdyń eń tıimdi tásili bolyp qala beretinin eske salady.
— Bıylǵy jyldyń 4 aıynda kókjótelge qarsy josparly vaktsınatsııamen 178,9 myń bala qamtyldy, onyń ishinde 1 jasqa deıingi 51,6 myń bala, 1 jastaǵy 46,7 myń bala jáne 6 jastaǵy 80,7 myń bala, — delingen mınıstrlik habarlamasynda.
Sonymen qatar, belgilengen merzimde ekpe almaǵan balalardy tolyqtyra ımmýndaý jumystary jalǵasyp jatyr. Jyl basynan beri ekpe almaǵandar qataryndaǵy 18 jasqa deıingi 64,6 myń bala men jasóspirim kókjótelge qarsy vaktsınatsııamen qosymsha qamtyldy. Jumys qolda bar vaktsınalar kólemin paıdalana otyryp júrgizilip, jalǵasatyn bolady.
Sanıtarııalyq-epıdemıologııalyq qyzmet organdary medıtsına uıymdarymen birlesip, juqpaly aýrýlardyń, onyń ishinde kókjóteldiń aldyn alý, sondaı-aq profılaktıkalyq ekpelerdi ýaqytyly alýdyń mańyzdylyǵy máseleleri boıynsha halyq arasynda turaqty negizde aqparattyq-túsindirý jumystaryn júrgizedi.
Budan buryn SQO-da kókjótelmen syrqattaný tórt ese tómendegenin jazǵanbyz.
