Qazaqstanda kóktemgi sý tasqynymen kúreske 49 myń adam jumyldyrylýda
ASTANA. QazAqparat - Qazaqstandaǵy kóktemgi sý tasqynymen kúreske 49 myń adam jumyldyrylýda. QR Іshki ister vıtse-mınıstri ıÝrıı Ilın QR Parlamenti Senatyndaǵy sý qaýipsizdigi máseleleri boıynsha memorgandar kezdesýinde osylaı málim etti, dep habarlaıdy QazAqparat.
Sý tasqyny kezinde bolýy yqtımal qıynshylyqtardy eńserý úshin jyldam áreket etý maqsatynda Іshki ister mınıstrliginiń jáne jergilikti atqarý organdary bólimsheleriniń arnaıy toptary quryldy. Oǵan 49 myńnan astam adam men 16 myńnan astam tehnıka jumyldyryldy. Sý basqan jaǵdaıda eldi mekenderdi kóshirý úshin ýaqytsha panalaıtyn oryndar anyqtaldy, kóshirý baǵyty jasaldy, qajetti kólikter bólindi. Іshki ister mınıstrigi bólimshelerinde qor quryldy, Ulttyq gvardııa bólimshelerinde - ýaqytsha baspanasyz qalǵandarǵa lagerler qarastyryldy», - dedi ıÝ. Ilın.
Onyń aıtýynsha, halyqqa habar beretin radıoqabyldaǵysh, kabeldi televıdenıe jáne respýblıkalyq habar taratý júıeleri jáne dabyl berý jumysy ázirlengen. Biraq, bul Qazaqstan aýmaǵynyń 60 paıyzyn ǵana qamtıdy. Sondyqtan, tótenshe jaǵdaı týyndaǵanda SMS-habar taratý belsendi qoldanylyp, halyqty qulaǵdar etýge ishki ister organdarynyń avtokólikteri tartylady.
Ázirge eldi mekenderden 5 mıllıon tekshe metrden astam qar shyǵaryldy jáne bul jumystar áli de jalǵasýda. Janar-jaǵarmaı, qıyrshyq tas-qumdar jáne qajet bolǵan jaǵdaıda muz jaratyn jarylǵysh zattar qory ázirlendi.
Ákimdikter tótenshe jaǵdaıdaǵy shuǵyl qajettilikter úshin 24 mıllıard teńge kóleminde qor jınady.
