Qazaqstanda kóktemgi merzimdi áskerı qyzmetke shaqyrý bastaldy
2017 jylǵy kóktemde Qarýly kúshterge, Qazaqstan Respýblıkasynyń ózge de áskerleri men áskerı qurylymdaryna 1999-1990 jylǵy 16 myńnan astam azamattardy shaqyrý josparlanǵan.
Áskerge shaqyrylym Qazaqstan Respýblıkasy Prezıdentiniń 2017 jylǵy 16 naýryzdaǵy «Merzimdi áskerı qyzmetti ótkergen áskerı qyzmetshilerdi, áskerı qyzmettiń belgilengen merzimin ótkergen áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2017 jyldyń naýryz - maýsymynda jáne qyrkúıek - jeltoqsanynda merzimdi áskerı qyzmetke kezekti shaqyrý týraly» Jarlyǵyna sáıkes bastalady. Bıylǵy jylǵy kóktemde merzimdi áskerı qyzmetke 18 ben 27 jas aralyǵyndaǵy azamattar shaqyrylýǵa jatady.
Shaqyrylýshylar medıtsınalyq kýálandyrý men áskerı qyzmetke jaramdylyǵyn anyqtaýdan ótkiziletin ózderi áskerı esepke alynǵan jeri boıynsha qorǵanys isteri jónindegi basqarmalar men bólimderge barý qajet. Jasaqtaý osyǵan deıingi tárizdi burynǵy aımaqtyq qaǵıda boıynda júzege asatyn bolady. ıAǵnı, shaqyrylýshy áskerı qyzmetin ótkerý úshin basqa aımaqqa jiberiledi. Ásker qataryna tolyqtyrylatyn jas azamattardy irikteý jáne áskerı bólimderge taratyp úlestirý kezinde olardyń shaqyrylymǵa deıin alǵan mamandyqtary eskeriledi.
Shaqyrýdy uıymdastyrý tártibi men medıtsınalyq kýálandyrý sharalary ótkizý máselelerin jedel túrde sheshý úshin Qazaqstan Qorǵanys mınıstrliginde osy kezeń aralyǵynda arnaıy «jedel jeli» jumys jasaıtyn bolady. Jaýapty laýazymdy tulǵalar azamattardyń qyzyǵýshylyǵyn týdyrǵan saýaldaryna jaýap berip túsindiredi. Myna telefon nómirleri boıynsha habarlasyp keńes alýǵa bolady:8 (7172) 72-13-89 jáne 72-16-06.
