Qazaqstanda kóktemgi qus atýǵa shekteý engizildi
ASTANA. QazAqparat - Qazaqstanda kóktemgi mezgildi jabaıy qustardyń ár túrin táýliktik atyp alý mólsherin bir ańshyǵa bes qanattyǵa deıin shekteý engizildi, dep habarlaıdy QazAqparat.
«El aýmaǵyndaǵy qoldanystaǵy ań aýlaý qaǵıdalaryna sáıkes kóktemgi mezgilde atalyq úırekterdi, sańyraý qurdy jáne qurdy aýlaýǵa ruqsat berilgen. Bul rette kóktemgi ań aýlaýǵa resmı túrde úırekke ruqsat etilgen shek 5 paıyzdan artyq bólinbeıdi. ıAǵnı ańshylyq sharýashylyǵy sýbektilerine bul tyıym salý aıtarlyqtaı ekonomıkalyq shyǵyn ákelmeıdi. Kóktemgi ań aýlaý qustyń kez kelgen túriniń qatty alańdaýshylyǵyn týǵyzyp, uıa salý naýqanyn kúrt buzady. Bul rette eń aldymen belsendi ári reprodýktıvtik jaǵynan baǵaly atalyqtar atyp alynady. Al ol óz kezeginde qus túrleriniń gendik qoryn nasharlatady. Ańshylardyń (ańshylyq uıymdardyń músheleri jyl saıyn ósýde, qazirgi tańda 150 000 adamnan asty) basym bóligi tabıǵatqa jańashyrlyqpen qaraý qaǵıdattaryn múldem saqtamaıdy. Al buryn ańshylar jabaıy ań-qustardyń kez kelgenine óziniń menshigindeı qaraıtyn, ań aýlaý merzimderi men qaǵıdalaryn qatań saqtap, brakonerlikke jol bermeıtin jáne basqalardyń da janýarlar dúnıesine qaskóılik jasamaýyn jiti qadaǵalaıtyn», - delingen QR Aýyl sharýashylyǵy mınıstrligi taratqan aqparatta.
Vedomstvo elimizde jabaıy qustardyń sany azaıyp, al brakonerlerdiń sany kóbeıip bara jatqandyǵyna alańdaýshylyq tanytqan. Máselen, 2016 jylǵy kóktemgi ań aýlaý kezeńinde el aýmaǵynda ákimshilik quqyq buzýshylyq boıynsha 758 fakti tirkelse, 2015 jyly zańsyz ań aýlaýdyń 636 faktisi oryn alǵan. ıAǵnı ań aýlaý qaǵıdalarynyń buzylýy arta túsýde.
«Jabaıy qustar sanynyń azaıýy kóktemgi ań aýlaýǵa tyıym salý arqyly olardyń kóbeıýine sharalar qoldanýdy talap etip otyr. Osyǵan oraı, Orman sharýashylyǵy jáne janýarlar dúnıesi komıteti QR BǴM Zoologııa ınstıtýtymen jáne Qazaqstannyń bıoalýantúrlilikti saqtaý qaýymdastyǵymen birge respýblıkanyń barlyq aýmaǵynda kóktemgi ań aýlaý kezinde jabaıy qustar aýlaýǵa tyıym salý máselesin pysyqtady. Ań aýlaýdyń barlyq janýarlarǵa qatty alańdatýshylyq týdyratynyn eskere otyryp, atalǵan ǵylymı jáne qoǵamdyq uıymdar qustardyń uıa salý kezeńinde kóktemgi ań aýlaýǵa tyıym salýǵa qoldaý bildirdi. Kóktemgi ań aýlaýǵa tyıym salý jabaıy qustar sanynyń ósimin saqtap qalýǵa múmkindik beredi. Sonyń negizinde Zoologııa ınstıtýty jáne Qazaqstannyń bıoalýantúrlilikti saqtaý qaýymdastyǵy kóktemgi ań aýlaýda jabaıy qustardy aýlaýǵa tyıym salý jáne jabaıy qustardyń ár túrine táýliktik atyp alý mólsherin bir ańshyǵa bes qanattyǵa deıin shekteý engizý boıynsha bıologııalyq negizdeme jasady», - delingen taratylǵan aqparatta.
