Qazaqstanda kóktemgi áskerge shaqyrý naýqany aıaqtaldy

ASTANA. QazAqparat - Qazaqstanda kóktemgi áskerge shaqyrý naýqany aıaqtaldy. Qazirdiń ózinde Qazaqstan Qarýly kúshteriniń UQK Shekara qyzmetine, Memlekettik kúzet qyzmetine áskerge alý aıaqtaldy, al QR ІІM Ulttyq ulanynyń qataryn tolyqtyrý áli de jalǵasyp jatyr, dep habarlady QR Qorǵanys mınıstrliginiń baspasóz qyzmetinen.

18 ben 27 jas aralyǵyndaǵy áskerge shaqyrýǵa jatatyn jastardyń jalpy sanynyń 5 000-ǵa jýyǵy QR Qarýly Kúshterinde áskerı qyzmet ótkerýge jiberildi.

«Ońtústik» óńirlik qolbasshylyǵynyń áskerlerine 900-ge jýyq, «Shyǵys» óńirlik qolbasshylyǵyna - 500-den asa, al «Batys» óńirlik qolbasshylyǵyna - 500-den asa, sondaı-aq «Astana» óńirlik qolbasshylyǵyna 30-ǵa jýyq jas tolyqtyrý qyzmet óteýge jiberildi.

Aeroutqyr áskerlerine 900-den astam, al oqý-jattyǵý ortalyqtaryna 800-den asa adam jiberildi. QR QK Áýe qorǵanysy kúshteriniń áskerler sapy 900-den asa adammen tolyqty. Olardyń ishinde joǵary bilimimen áskerge alynǵandar sany 20 adam, arnaýly-orta mamandyq ıesi - 3 000-den asa, orta bilimi bar - 2 000-ǵa jýyq adam. Búgingi kúnge deıin Qarýly Kúshterdiń qataryna áskerge shaqyrylǵandardyń barlyǵy Otan aldyndaǵy boryshyn óteıtin jerlerge jiberildi.

Alǵashqy áskerı daıarlyq baǵdarlamasy aıaqtalysymen jastar áskerı ant qabyldap, sodan keıin áskerı qyzmetti atqarý úshin tıisti laýamzymdarǵa taǵaıyndalady.

Eske sala ketsek, Qazaqstanda 2016 jyly kóktemde merzimdi áskerı qyzmetke 14 myń qazaqstandyqty shaqyrý josparlanǵan.