Qazaqstanda kóktemde ań aýlaýǵa tyıym salyndy

ASTANA. QazAqparat - Mınıstrliktiń buıryǵymen elimizde kóktem mezilinde ań aýlaǵa tyıym salyndy. Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet óziniń Feısbýk paraqshasynda jazdy, dep habarlaıdy QazAqparat tilshisi.

«QR Aýyl sharýashylyǵy mınıstrligi men Orman sharýashylyǵy jáne janýarlar dúnıesi komıteti buıryǵymen 16 aqpan men 14 maýsym aralyǵynda elimizdiń barlyq óńirinde ań aýlaýǵa tyıym salyndy», - delingen habarlamada.

Sáken Dildahmet ań aýlaýǵa tyıym salýdaǵy negizgi sebepti atady. Kóktemgi ańshylyq kez kelgen janýardy qatty alańdatyp, tynyshtyǵyn buzady, sóıtip qustardyń uıa salǵan jerin tastap ketýine májbúrleıdi. Osylaısha uıa salý protsesi buzylady.

Sondaı-aq kóktemgi ańshylyq kezinde janýarlardyń ishinen eń áýeli reprodýktıvti turǵyda óte belsendi jáne baǵaly erkekteri qurban bolady, bul túrler genofondyn nasharlatyp jiberedi.

Mysaly, eseptik derekter boıynsha jabaıy úırekterdiń sany 2015 jyly 2014 jylǵa qaraǵanda 2 mln basqa azaıǵan. Jabaıy úırek sany azaıǵan soń brakonerlik faktileri de kóbeıip ketti.