Qazaqstanda Koksakı vırýsy ázirshe tirkelmedi
«Bizde qoǵamdyq densaýlyqty qorǵaý komıteti bar. Atalǵan qurylym eldiń syrtyndaǵy jáne ishindegi ınfektsııalarǵa sanıtarlyq-epıdemıologııalyq qadaǵalaý júrgizedi. Qazaqstanǵa kelgen barlyq týrısterde qaýipti vırýstardyń bar-joǵy tekseriledi. Dál qazir elimizge Koksakı vırýsynyń kelgeni týraly eshqandaı aqparat joq. Aldaǵy ýaqytta taǵy qosymsha aqparatty beretin bolamyz», - dedi L.Aqtaeva búgin Úkimette ótken baspasóz máslıhatynda.
Aıta keteıik, buǵan deıin Reseıdiń BAQ Túrkııada Koksakı vırýsyna shaldyqqandar jaıynda habarlaǵan bolatyn. Osydan keıin reseılik týrıster óz joldamalaryn keri qaıtara bastady.
Koksakı vırýsy balalar ınfektsııalaryn qozdyrǵyshyna jatady. Atalǵan vırýs ekzantemasy bar enterovırýsty stomatıtke sebep bolady. Ondaıda asqazannyń jumysy buzylyp, adamnyń ishi ótedi. Denede bórtpeler paıda bolady. Vırýs mıdyń jumysyna da keri áserin tıgizedi. Koksakı alǵash ret 1950 jyly AQSh-ta anyqtalǵan bolatyn.