Qazaqstanda kókónis baǵasy arzandady

NUR-SULTAN. QazAqparat - 2019 jylǵy naýryzda 2018 jylǵy sáıkes kezeńmen salystyrǵanda Qazaqstanda azyq-túlik taýarlary baǵasy 6,7 paıyzǵa ósti. Bul týraly QR UEM Statıstıka komıtetinen málim boldy, dep habarlaıdy QazAqparat tilshisi.

Esepti kezeńde nan ónimderi men jarmalar, et, balyq jáne teńiz ónimderi, sút ónimderi, jumyrtqa, maı, qant, kondıterlik ónimder, alkogolsiz sýsyndar jáne alkogoldi ishimdikter qymbattady, al jemister men kókónister arzandady.

Jarma ónimderi tobynda baǵanyń ár baǵytta ózgerýi belgilendi. 2019 jylǵy naýryzda kúrishtiń kelesine ortasha baǵa 327 teńgeni qurady, al 2018 jylǵy naýryzdaǵy 287 teńge bolǵan edi. Budan bólek, qaraqumyq jarmasy bıyl 244 teńgeni qurasa, byltyr 277 teńge somasynda belgilendi.

Qanttyń ortasha baǵasy 2019 jylǵy naýryzda kelisine 237 teńgege jetti. Byltyr onyń somasy 200 teńgege baǵalanǵan edi.

«2019 jylǵy naýryzda sút ónimderinen súzbege ortasha baǵa kelisine 1 561 teńgeni (bir jyl buryn 1522 teńge), qaımaqqa - 1053 teńgeni (1008 teńge), aıranǵa - 286 teńgeni (277 teńge), pasterlengen sútke 239 teńgeni (217 teńge) qurady.